 |
| Source: http://www.rfa.org/khmer/news/social-economy/Asean-knowledge-07092015020118.html |
ក្រសួងការបរទេសកម្ពុជា នឹងរៀបចំកម្មវិធីឆ្លើយសំណួរយករង្វាន់ ទាក់ទងនឹងចំណេះដឹងស្ដីពីអាស៊ាន សម្រាប់យុវជនកម្ពុជាដែលជាអ្នកបន្តវេនក្នុងការអភិវឌ្ឍជាតិ។
អ្នកនាំពាក្យក្រសួងការបរទេស លោក ជុំ សុន្ទរី បានឲ្យដឹងនៅថ្ងៃទី៩ កក្កដា ថាកម្មវិធីនេះដើម្បីចូលរួមលើកស្ទួយការយល់ដឹងរបស់យុវជនកម្ពុជា ទាក់ទងនិងអាស៊ាន ខណៈដែរប្រទេសអាស៊ានទាំង១០ នឹងត្រូវប្រកាសជាផ្លូវការជាសហគមន៍តែមួយ នៅចុងឆ្នាំ២០១៥នេះ។
កម្មវិធីសំណួរចម្លើយនេះ នឹងផ្ដោតសំខាន់លើបញ្ហា៣ចំណុច ដែលជាសសរស្ដម្ភអាស៊ាន គឺ សហគមន៍សន្តិសុខនយោបាយ សហគមន៍សេដ្ឋកិច្ច និងសហគមន៍សង្គមវប្បធម៌ ក្នុងនោះមានការអប់រំ សិទ្ធិមនុស្ស ច្បាប់ កិច្ចសហប្រតិបត្តិការ ដំណោះស្រាយប្រឆាំងនឹងឧក្រិដ្ឋឆ្លងដែន គ្រឿងញៀន ការជួញដូរមនុស្ស មហន្តរាយធម្មជាតិ និងការការពារពលករអន្តោប្រវេសន៍ជាដើម។
កម្មវិធីនេះ នឹងរៀបចំនៅស្ថានីយទូរទស្សន៍ជាតិកម្ពុជា ដោយក្រសួងអប់រំនឹងជ្រើសរើសតំណាងសិស្សឆ្នើមពីវិទ្យាល័យ ចូលរួមប្រកួតប្រជែង ដែលមានវគ្គជម្រុះបីលើក នឹងបញ្ចប់នៅចុងខែកក្កដា។
ចំពោះជ័យលាភីដែលឈ្នះក្នុងកម្មវិធីសំណួរចម្លើយវគ្គចុងក្រោយ៦នាក់ នឹងទទួលបានរង្វាន់ជាសាច់ប្រាក់ចន្លោះពី៤០០ដុល្លារ ដល់១.៥០០ដុល្លារ ពីជ័យលាភីលេខ១ ដល់លេខ៦ ហើយអ្នកដែលមិនបានជាប់ ក៏នឹងទទួលបានកង្ហារ១គ្រឿងផងដែរ៕
No comments:
Post a Comment